-- அந்த சுவர் சொல்கிறது
நான் அதுவாய் ஒருபோதும்
இருந்ததில்லை என்று....
ஆம்...நீயாய் இருந்திருக்கலாம்
என்றுதான் இருந்தேன்...என்றேன்!
அந்த வெயில் சொல்கிறது
நான் அதுபோல் தகிப்புடன்
ஒருபோதும்
ஒளிர்ந்தது இல்லையென்று...
ஆம்..வெளிச்சமோ,கணப்போ
எப்போதும் பற்றாக்குறையில்தான்
எனக்கே என்றேன்...!
அந்தப் பூ சொன்னது
என் இதழ் அடுக்கை நீ
ஒருநாளும் சரியாய்க் கணக்கிடவேயில்லை என்று..
மகரந்தம் வாசனை நிறம் என்று
எதையுமே யூகிப்பதுதான்
என் ரசனையென ஒப்புக்கொண்டேன் ...
என் காலடிப் பூனை
சிரிப்பது போல் தோன்றியது...
பூனைகளின் மீசை அவ்வாறு
போலிக் காட்சி காட்டுவதைத் தான்
காட்சிப் பிழை என்றாயோ.....
-
1 கருத்து:
அருமை...
வாழ்த்துக்கள்...
கருத்துரையிடுக