திங்கள், அக்டோபர் 15, 2018

மழையை நேசித்தல்

ஒரு குட்டிப்புயலை மடித்து 
முகம் துடைக்க ஏதுவாக வைத்தாயிற்று
உன் சாதனை என்ன 
என்று கேட்கும் வரலாற்றில் பொறிக்க
விசிறியடிக்கும் தருணமெல்லாம் 
திரைமறைவுக்காட்சி

*****************************************************************
ஒரு சுகந்தம் பரவும்போதெல்லாம்
மூக்கடைப்பில்
அவதியுற்றுக் கொண்டிருக்கிறாள் விலகும்போது
வழக்கமான துர்க்கந்தம்
சிறு தூறல் விழுங்கால்
தவித்தபடி துணிவாரும் கடமை
முதல் நந்தியாவட்டையை அணுகும்போது
காலில் ஏறிவிடும் கட்டெறும்பு
******************************************************************
இதை மட்டுமே என்று முடிவு செய்யாதவரை 
எதையும் நேசிக்கலாம்
வருவது போலிருந்து ஏமாற்றும் மழை உட்பட
********************************************************************
பாதை நீண்டிருக்கிறது
அங்கோர் சிறுமலர்
அதுதான் முடிவெனும் புள்ளியில் 
தலையசைக்கிறது
வண்ணச்சீறடிக்கு வலி தெரியவில்லை



கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...