கையை மாற்றி மாற்றிப் பற்றிக் கொண்டோம்
சுந்தரி டீச்சர் தொடங்கி
நெட்டை கீதா குட்டை கீதா
நாங்கள் முதன்முதலில் பார்த்த
தேன்மிட்டாய்காரர் வீட்டு கிளிக்கூண்டு
ஒரு முழத்துக்குமேல்
எப்போதும் வளராத கறிவேப்பிலைச்செடி
தெப்பக்குளக்கரை வளையல்கடை
கட்டுரைநோட்டு அடுக்கை
சாலைக்கு எதிர்புற வகுப்பறைக்கு
எடுத்துச்செல்கையில் தவறவிட்டது
ஆச்சே....இருவது வருசம்கிட்ட
......ஒரு வருசம் பேசலாம் நம்ப கதைய
எனச்சிரித்தபடி நகர்ந்தோம்
அப்புறம்தான் நினைவு வந்தது
வீட்டைச்சொல்லாது விடை பெற்றதும்
அவள் நெற்றித் தழும்பு
இப்போதும் தெரிந்ததும்....
மறந்துவிடாமல் குனிந்து நிலை தாண்டினேன்
அக்டோபர் 14 காமதேனுவில்
கருத்துகள் இல்லை:
கருத்துரையிடுக