மாங்கல்ய வரம் நாடிக்
கயிறுகளையும் ,
பிள்ளைப் பேறுவேண்டி
தொட்டில்களையும் ,
வளையல்களையும்,
முணுமுணுக்கும் உதடுகளோடும் ,
கரையுடையத் துடிக்கும்
விழிகளோடும்
கட்டிக் கொண்டிருந்த
பழக்கத்தில்
தொங்கவிடுகிறோம்
தேவதை உடைகளை....
இறுக்கம் உடைக்கவும்
எங்கும் உலவவும்
வேண்டி
இந்த வேண்டுதல்!
உற்றுப் பாருங்கள்......
உங்கள் வீட்டு
முருங்கையில் கூட
ஒன்றிரண்டு தொங்கலாம்.
ஆகிவந்த மரமென்று
அடுத்தவரும் கட்டலாம்.....
2 கருத்துகள்:
மனிதர் தம் வாழ்வை நம்பிக்கையுடன் நகர்த்த உதவும் வேண்டுதல்களில்தான் எத்தனை வகைகள். நல்ல கவிதை சக்தி.
ஆம் ஏதோ ஒரு பிடிப்பு தேடிக்கொண்டே நகர்கிறோம் அல்லவா.நன்றி ராமலக்ஷ்மி
கருத்துரையிடுக