நிழல் தேடவில்லை

புதிய மாடிப்படி .... 

                                                   

க்ரோட்டன்சின்  எதிரி! 

தொட்டி துறந்து 

வேர்பிடித்தபின் 

இளவெயிலும் படராத்தடுப்பாய் 

அது முளைத்தது !

இயலாமையோடு 

இடித்தபடி குரோட்டன்ஸ் 

அந்தப்பக்கத்தில் நிற்கும் 

வாழை ,முருங்கையிடம் 

விசாரித்தது

விதையா,பதியமா

எப்படி வளர்ந்தது மாடிப்படி என்று?

இழந்த வரங்கள்

காதலை கண்ணீரை
காத்திருப்பை
கூறுகளோடு பேரத்தை
ஆயாச இளைப்பாறலை   
போதை உளறல்களை
பெருங்கூச்சல் வம்புகளை
பறக்கும் பந்துகளை
பெத்தாங் குண்டுகளை
பக்கத்திருந்து
பார்த்திருக்க சாட்சியிலா
வெட்டவெளி மனிதர்களானோம்,,,,,

அனிச்சையாய்க் கிள்ளியபோதும்
ஆள்வைத்துத் தள்ளியபோதும்
எட்டும் தொலைவெலாம்
நின்றிருந்த
நெட்டை,குட்டை
நீள் உறவைப் பறிகொடுத்தோம்
சருகுகள் நொறுங்க
இல்லாத மின்சாரம்
இழப்பீடு...
எல்லாக் கதையோடும்
நடக்கிறோம் சுடச்சுட....
 பக்கத்திருந்து
பார்த்திருக்க சாட்சியிலா
வெட்டவெளி மனிதர்களானோம் 

புதுவை

கிளைகள்

கவித்த இருளால்
நகரம்
மறைந்திருந்தது
அதில்
வெளிச்சம்
உறைந்திருந்தது !
****************************
ஏதுமற்ற
வெளியில்
வெளிச்சம்

படர்ந்திருக்கிறது
இதில்
 இருள்
 நிறைந்திருக்கிறது  

இனி எதற்கும் யோசியுங்கள்

கடற்கரையில் காந்தி
தாண்டிவந்த காற்று
மனிதனைத்
தேடியது
இல்லை
எனச்சொல்ல
நாணி
இற்று விழுந்தன
எங்கள் மரங்கள்.

எது நடந்ததோ

இந்த இடம்

metro ரயிலுக்கு .....

எங்கெங்கும் கண்ட
பாகப்பிரிவினை அறிவிப்புக்கு
சவால் விட்டது
தடுப்பின் ஓரத்தில்
எட்டிப்பார்த்த செடி....
இரைச்சலின் சாகரத்தில்
இது எப்படியோ ....
யோசனையில் கண்மூடியது
பாலத்தடி நாய்

தேவையில்லா நிழல்

கால காலமாய்

கரிதின்று கரிதின்று
புளி உதிர்த்த
மரங்களில் இனி இலக்கமிட வேண்டாம்!
மரங்களே இலக்கு ......
தூங்குமூஞ்சி ,புங்கை
துளிர் கொஞ்சம்
பாடம் செய்க!
அளவோடு உள்ளே

அவரவர்க்கு 

குளிர் பரப்பி பறக்கும் 

வாகன வரிசையின் 

அகலத்தேவைக்காக

அகற்றவேண்டும் அனைத்தும்...

தாருக்குப் பதில்

தங்கம் ஓடும்

சாலையில்

நிழல் கருணை தேடும்

மனிதனின் நிழலும்

வாராது!