உண்மையின் மண்வாசம்

 உண்மைகள்தான் வேண்டுமென்ற பிடிவாதம் உங்களுக்கு உண்மையான அன்பு உண்மையான நட்பு உண்மையான உறவு இவ்வரிசையில் உண்மையான தகவலும் வேண்டுகிறீர்களாமே உண்மைக்கு வெகு அருகில் என்றொரு ஆறுதல் சொல்கிறார்கள் சற்று விலகினாலும் அது பொய் என்றுதானே அழைக்கப்பட்டது பத்தாம்பசலித்தனமான கேள்வியைப் போட்டதும் பக்கம் நிற்பவன் திடுக்கிடுகிறான் உங்கள் மேல் எந்த நூற்றாண்டின் மண் ஒட்டியிருக்கிறது துழாவுகிறது அவன் பார்வை

சொல் மாற்றும் விளையாட்டு

அதிகம் அலட்டாத உடல்மொழியோடு 
நறுக்குவதற்கு எங்கு கற்றாயோ
தலையையே அரிந்துவைத்தாலும்
அதன் அழகு
வைத்த நேர்த்தி
ரத்தம் சொட்டா பாங்கு பற்றி
உன் விளக்கம் கேட்கக்
 காத்திருக்கிறது உலகம்
அரியப்பட்ட தலையும் 
வரிசைக்கு வரத்துடிக்கும் 
****************************************************************

தவறான தகவலைச்
சொல்பவர்கள்
தவறான பா'வம் காட்டுபவர்கள்
நிதானமாக இருக்கிறார்கள்
வந்தடைந்த
இடம் சரியில்லை
உனக்கும் எனக்கும்
ஒரே படபடப்பு

************************************************

நினைவிருக்கிறதா
காலையை மாலை
பகலை இரவு
நிலவை சூரியன்
என்று மாற்றிச்சொல்லும் விளையாட்டு
அதுதானா இது
சுபிட்சம்
சொர்க்கம்
வளம்
என்ற முழக்கங்கள்