பிராயத்தின் குழல்

சமுத்திரக்கரைகள் எப்போதும்போல கிளிஞ்சலுக்குள் சூரியனை அடைக்கப் பார்க்கின்றன

விலாத்தெறிக்க

துடுப்பு தள்ளுகிறான்

மனிதன்

*****************************

எப்படிக் கூப்பிடுவது

நிற்பது அறிந்தும்

நில்லாது போகும்

உன்னை

சற்றே படபடவென்றிருந்திருக்கலாம் உனக்கும்

பாவம் **********************************

பிராயத்தின் காற்றில் மேல்கீழாகப் புரள்கிறது

முன்நெற்றி குழல்கற்றை

ஞாபகங்களோடு

ஒதுக்கிவிட்டுக் கொள்கிறாள்

மீனுக்குட்டியாகணும்

கடல்நீலத்துக்குள் சிறு பச்சை
கலந்த அற்புதச் சுழல்
சிறு சிறு சிறு 
வளர்ந்து
சற்றே பெரு பெரு உள்ளே
சிறு சிறு வட்டங்கள் குமிழியிட
மீன்குஞ்சுகள்
ஒவ்வொரு குமிழுக்கும் ஒவ்வொன்றாக
ஒன்று பத்தாக விர்ரென ஏறி
விசுக்கென மறைந்து
துடுப்புகளை அப்படி இப்படி ஆட்டி
எட்டி முழித்து
இறங்கி இறங்கிப் போக
துடுப்பில்லாது
அப்பா தோளிலிருந்து இறங்கிக்கொண்ட
பாப்புக்குட்டிக்கு
ஓரேஅழுகை
மீனுக்கெல்லாம் யாராச்சும் பயப்படுவாங்களா
அம்மா தாஜா பண்ணுகிறாள்

நிலா நதி ரசீது

கரையோரம் 
காத்திருந்த போதெல்லாம்
கையிலிருக்கும் துடுப்பு
ஓடமேறும்போது
தவறிவிடுகிறது

****************************************
நிலா 
நடந்துகொண்டிருக்கிறது
கரையோர மரங்களூடே
நதியில் 
முகம்பார்க்கவியலாத போதும்
*************************************************

எந்த குற்றவுணர்ச்சி வழிந்தாலும்
ரசீதுகளால் துடைத்துக்கொள்ள முடிகிறது
பாக்யம் பாக்யம்
*************************************************************
பொய்,புரட்டு,ஏமாற்று
வஞ்சகம்,சூது,கொலை
பொய்,புரட்டு,ஏமாற்று
வஞ்சகம்,சூது,கொலை
பொய்,புரட்டு,ஏமாற்று
வஞ்சகம்,சூது,கொலை..
.....
...திரும்பத் திரும்ப தெரியாமல்
எழுதிவிட்டேனா எனப் பார்க்கிறீர்கள்
நூறு வரி கடந்து
வேண்டுமானால் ஒருமுறை
எழுதிவிடுகிறேன்
விசாரணை,வழக்கு,கைது
பிணை....வருடங்கள்.....
********************************************************