கதவின் பெயர்

எனக்கு ஏன் கதவு என்று பெயரிட்டாய்
எனக்குப் பிடிக்கவில்லை
காற்றைப்பிடித்துக்கொண்டு
கன்னாபின்னாவென
ஆடி முட்டுகிறது கதவு
இதென்ன யாரைக்கேட்டுதான்
யாராவது பெயர் வைக்கிறார்கள் 
சொல்வதைக்கேள் 
காலங்கடந்து நிற்கும்
உனக்கெதற்கு வருத்தம்
மிதியடியெல்லாம் டோர்மேட் ஆக
நான் மட்டும் என்றும் கதவா
முழக்கத்திற்குப்பின் வந்த 
ஆமாம் கோரஸ் தான் 
அதனினும் பயங்கரம்
கதவையோ கதவின் பெயரையோ 

மாற்றிவிட்டுச் சொல்லுங்கள் யாராவது