ஹே ஹோ..ஹூ.....ஜல்லல்லா

விளம்பரத்தட்டியில் கண்ட சாலிடர் டிவி 
எப்போதோ காணாமல் போனது
சிரித்து துள்ளி ஓடி வாயசைத்த
 நாயகனும் இல்லை
அந்தப்பாதை அந்தக்கட்டிடம் 
எல்லாம் மாறின
எழுதியவரையும் இசைத்தவரையும் 
மாற்றி மாற்றி விமர்சித்து 
ஓய்கிறது உலகம்
குரலும் சுருதியும் வெட்டிக்கொண்டன 
ஒட்டியும் கொண்டன
ஆனால்
அந்தப் பொன்மாலைப் பொழுது
அது என்றும் எவரும் துறக்கவியலா
ஹே ஹோ..ஹூ.....ஜல்லல்லா