கனம்தாங்காக் காற்று

அடுத்த உடுத்தலுக்குமுன்
இந்தக்கோடியிலும் அந்தக்கோடியிலுமாக 

ஏதோ ஒரு பிடிமானத்தைப்
பற்றிக்கொண்டு
காயும் பழஞ்சீலை
கரைந்த சாயத்தையும்
காணாமற்போன கோடுகளையும் 

வெயிலிடம் பீற்றிக்கொண்டிருக்கிறது
முறையிடலின்

கனம்தாங்காக் காற்று 

உய் உய்யென ஓடிவந்து 

பரிவாகத்தடவிப்போகிறது

மழைத்தாரையின் கீழ் சுகமாக நிற்கிறது பாறை

பிரியம் என்றுமில்லை பேதமை என்றுமில்லை

சுகம் என்பதும் என் சொல்லே

களத்துமேட்டிலும்

கரிபிடித்த அடுப்பங்கரையிலும் கரைந்து கரைந்து

நைந்த

முந்தானை ஒன்றே காசு முடிச்சுக்கும் 

வியர்வை துடைக்கவுமாகக் கொண்டு

கூடை சுமக்கும் தெய்வானை ஆச்சியைப்போல

சிநேகிதி -யில்

பத்துகாசு பொட்டுக்கடலையோடு
பசியடக்கி
ஏதோ படித்து ஏதோ வளர்ந்து
வாக்கப்பட நின்னபோது
வரலட்சுமி நெனச்சதே இல்ல 
மூணு பவுன் போட முடியாம
சாராயக்கடை
முத்து மாமா வீட்டுக்கே
மருமகளாவோமுன்னு

மாமியார் வீட்டுல பொட்டுக்கடலைய
உடைச்ச கடலைன்னு சொல்றதையே
ஆச்சர்யமா சொல்லிகிட்டிருந்த
வரலட்சுமி
இப்போவெல்லாம் அலுப்பா சொல்றா
அஞ்சாவது கார் பத்தி
லட்ச ரூவா நாயப்பத்தி
நவரத்தின ஆரம் பத்தி
உடைச்ச கடலையும் பொட்டுக்கடலையும்
ஒண்ணுதான்னு சொல்லித்தந்த
கமலா ஆச்சர்யமாவே கேட்டுக்கிட்டுருக்கா
*************************************நன்றி.குமுதம் சிநேகிதி இதழ்