உங்கள் உலகம்

ஒரு குப்பைத்தொட்டி அகலமாய் உயரமாய்
முடிந்தால் 
நீங்கள் தள்ளிக்கொட்டுவதை 
விரிந்து வாங்கிக்கொள்ள ஏதுவாக 
இருக்க வேண்டுமென்கிறது 

உங்கள் வாழ்க்கை 
ஒரு குச்சியும் உரச்சாக்குமாய் செல்பவளோ

 சின்னதாக இருக்கக்கூடாதா என்கிறாள்.
உங்களிடம்தான் கருத்து கேட்கும் உலகம்

சமூகம்

அருவருப்பாகத்தான் இருக்கிறது

நான்கு நாட்களாகப் பார்க்கிறேன்
குப்பைத் தொட்டிக்கு வெளியில்
உதிரக் கொத்தோ
உதிரிமலர் அழுகலோ
தெரியவில்லை.
அப்புறப் படுத்தப் படாமலே கிடக்கிறது.

யாருக்குத்தான் பொறுப்பிருக்கிறது.