கைகளைக் கழுவ விடுங்கள்

 

நீங்கள் உணவளிக்கப் பிறந்தவர்கள்

நாங்கள் கைகழுவப் பிறந்தவர்கள்

அவுரி கண்ட மண்ணுக்கு

ஆண்டுக்கணக்கில் விதையெதற்கு

உரமும் நீரும் ஊக்கத்தொகையும் உங்கள் கவலையாகாது

நகரும் கால்களில்

உங்களுடையது

நான்காமிடமோ

நாற்பதாமிடமோ

உடைமை என்பதே பெருஞ்சுமை

அதை இறக்கத்தானே

இத்தனை பாடு

*********"*

நைச்சிய சொற்களின்

அடையாளம்

நாளும் களைபறித்த

கண்களறியாதா

கொழுமுனை கீறிய நிலத்துக்குள்

புதையட்டும்

பொய்ம்மையின் பசப்பல்

வரலாறு

எல்லாவற்றையும் பிடுங்கிப்பிடுங்கி

உருட்டி உருட்டி

நாலாய் எட்டாய் மடித்து விழுங்க

எங்கள் வாழ்வென்ன

உங்கள் அம்மைசுட்ட ரொட்டியா

விழுங்கும்வேகத்தில்

ஒரு விக்கல் வந்தாவது

நினைவூட்டாதா

தொண்டைக்குக்கீழே

எல்லாம் ஒன்று

எல்லார்க்கும் ஒன்று என்று

பக்கத்திலிருக்கும்

முதலாளிமார்க்கும்

தங்கத்தில் வேகவில்லை

தானியத்தில்தான் வேகிறது

எங்களுடையது

கஞ்சி

உங்களது

பாரிட்ஜ்

உண்டு கழுவ விரும்பும் கைகளையுடைய நாங்கள்

உதறிக்

கைகழுவும் உங்களிடம்

இரத்தல் தகுமோ

விரல்நுனிப்பூ

     கொஞ்சம்போல் தண்ணீர்சிந்தியது

மேசையைத் துடைக்கலாம்தான்

துணி எடுத்துவரவேண்டும்

சற்று யோசித்து

விரல்களால் தண்ணீரை இழுத்துவிட்டேன் ஏதோ ஒரு பூ மாதிரி

கிடந்தது

கூடக்கொஞ்சநேரம் ******************************************

யாரோ விதையிட

யாரோ நீரூற்ற

யாரோ ஆடுமாடுவிரட்ட

உன் கவலையெல்லாம்

குப்பை பற்றி

*********************************

உனக்குப் புரியும்

எனக் காத்திருக்கிறேன்

உன்னைத்தவிர

எல்லோரும்

ஆறுதல் சொல்லுமளவு புரிந்து கொண்டாயிற்று **************************************

யாரோ விதையிட

யாரோ நீரூற்ற

யாரோ ஆடுமாடுவிரட்ட

உன் கவலையெல்லாம்

குப்உனக்குப் புரியும்

எனக் காத்திருக்கிறேன்

உன்னைத்தவிர

எல்லோரும்

ஆறுதல் சொல்லுமளவு புரிந்து கொண்டாயிற்றுபை பற்றி

தவிப்பின் தொடர்ச்சி

பேசாதிருப்பது ஒரு தவிப்பு 
இல்லை 
தவிர்ப்பு என்று யாருக்கு சொல்ல 
விதை அடுத்த செடிக்கான 
தொடக்கம் என்றே பார்த்திருக்கிறேன்
இந்த செடியின் 
தப்பித்தல் என்கிறாய்