உயரத்துக்கென்றே

திரும்பத்திரும்பச் சொல்ல வேண்டாமே 

என்றுதான் தேடித்தேடி மலையேறியது
குகையிடுக்குகள் சீக்கிரமே
அலுத்துவிடுகிறது
எதிரொலி வேண்டி
திரும்ப ஏறமுடியாதோ என்ற 

அயர்ச்சியில்தான் நின்றுவிடுவது

உயரத்துக்கென்றே சில தாழ்ச்சி

நதி

நான் பார்த்த நதியின்
நீளமும் அகலமும்
நான் பார்த்த மலையின்
உயரமும் உச்சியும்
நான் பார்த்த வானத்தின் 
நிறமும் விரிவும்

நான் பார்த்த வரை

ஓடிக்கொண்டிருக்கும் நதியும்
உயர்ந்து கொண்டிருக்கும் மலையும்
மிதந்து கொண்டிருக்கும் வானமும்
நிஜத்தில் எதுவென்று
நீங்கள் பார்த்ததுண்டா