நந்தியாவட்டையின் ஒளிர்பச்சை

 உப்பு ரொட்டியின் உடைந்த தூளைத் தொட்டுத் தொட்டு ஒற்றிக்கொள்வது கூட மீட்சிதான் பத்திய நாவுக்கு

*********************************************************

தாழ்ப்பாளின் துரு

காத்திருக்கும் தனிமை

காலணியின் சேறு

வாசலோரத் தெருநாயின் அரைத்தூக்க

முனகல்

அதிகாலையோ

அந்திமாலையோ

உனக்கென்ன

**********************************

மறந்தேபோய்விட்ட

பழையவீட்டு

நந்தியாவட்டைக் கிளையை வளைத்தபடி

நிற்கிற கனவு

எத்தனை ஒளிர் பச்சை

அதன் இலைகள் என்கிறாய்

அதிசயம்போல்