இரண்டு சொட்டு அன்பு

மகிழ்ச்சி
அன்பு
காதல்
பாசம்
எத்தனை நல்ல சொற்கள் இல்லையா
சரி
அப்படியே இருக்கட்டும்
********************************************
நன்கு குழிந்த பாத்திரமாக எடுத்திருக்கலாம்
இப்போது பார்
இரண்டு சொட்டு 
அன்பிலேயே தளும்பிவழிகிறது
*********************************************************

என்னைப்பற்றிதான்
பேசிக்கொண்டிருப்பாய்
அப்படிதானே
சரி
ஒன்றும் சொல்லாதிருந்து விடு
*****************************************************
அன்பில் மட்டுமல்ல
உன் புறக்கணிப்பிலும்தான்
மலர்கிறேன்
என்ன செய்யப்போகிறாய்

மழை வழியும் ஜன்னல்

நிழலோ வெயிலோ 
நிற்க ஒன்று இருக்கிறதே
வேறெப்படி தேற்றிக்கொள்ள
வெற்று கணங்களை

**********************************************
நீங்கள் புறக்கணிப்பீர்கள் 
எனத்தெரிந்தாலும் 
காற்றோடு போராடிக்கிழிந்து 
உங்கள் கொல்லை வாழையிலேயே 
தங்கிவிடுகிறது இலை
ஆறுதலாக இரண்டு துளி
தெளித்து நகர்கிறது மழை
***************************************************
மழையின் குளுமை மனங்கொள்ள
வா
என்னை ஓரமாக எடுத்து வை 
யாரைக் கூப்பிடுவதெனத் 
தவிக்கிறது தொட்டிச்செடி

***************************************************
பார்ப்பதற்கு நீங்கள் தேடுவது போலவே
விழுவதற்கு மழையும் தேடுகிறது 
ஒரு கண்ணாடி சன்னலை
அப்போது வழிந்த அழகின்
நினைவு
அதற்கும்