ஒரு காலத்தைய உணர்வு

உங்களுக்கு நிறைய 
மாறுபட்ட கருத்துகள் இருக்கின்றன
முயல்குட்டியின் நீண்ட காதுகளைப்பற்றியும்
முரடான பசுக்குளம்புகள் பற்றியும்
ஆனாலும் 
அந்தக்காது நீளம்தான்
அந்தக்குளம்பு அழுத்தம்தான்
**************************************************************

கனத்த தார்ப்போர்வைக்கடியில்
நெளிய இயலாது தவிக்கும் மண்புழுக்கள்
வலியறியாது

 மின்வடங்களில் அமர்ந்து கரையும் காகம்

*******************************************************

காய்ந்து ஒட்டிக்கொண்டிருக்கும்

ஒரு காலத்தைய ரத்தம்
ஒரு காலத்தைய சதைத்துணுக்கைப் 

பிய்த்தெறிவதைப்போல
உதறமுடியா மண்ணின் பொருக்கு 

சிதம்பர ரகசியம்

மணங்கொண்டோர் அறிக

*************************************************************

ஆணவ ஆபரணம்

சொற்கள் எதிரேதான் கிடக்கின்றன
சில துளிகளோடு காய்ந்த
தேநீர்க்கோப்பை
சாய்ந்த சாயமா
செய்தித்தாளின் படத்திலிருந்து சொட்டிய 
பச்சை ரத்தமா
எதுவென்று தெரியாத
கறை படிந்த மேசை மேல்
எழுந்து என்ன செய்யப்போகிறேன் போ
என்ற ஆயாசத்துடன் கிடக்கின்றன

தொலைக்காட்சி மின்வடத்திலிருந்து சொட்டும் ரத்தம் நின்று
ஐந்தே நிமிடங்களில்
அடுத்த அரிவாள்

ஒவ்வொரு சங்கமாக
ஆதரவு அறிக்கை வாங்கி
அடுக்குங்கள்
ரத்தப்பொட்டுகள்
நாளாவட்டத்தில் காய்ந்து
நீலமாகி ஆட்காட்டி விரல்நுனியின் ஆபரணமாகிவிடும்

சொற்கள் அப்படியே கிடக்கட்டும் மனசுபோல
உலர்ந்துகொண்டு....

பருந்தாவதன் அசாத்தியம்

கீற்று இணைய இதழில் 20 4 15

தூசி.....
துடைத்துவிட்டேன்
இதுவாவது
முடிகிறதே

*******************
தெரியாமல் இருந்திருக்கலாம்
சிரித்தபடி
கடந்திருப்பேன்

*******************
நிறையப் பேசினோம்
நேற்றைக்கும் இன்றைக்கும்
ஆடைதான் மாற்றம்
பேசுவோம்

*******************
பருந்தாவதன் அசாத்தியம்
மட்டுமல்ல
உயர் அழுத்த மின்வடம்
பற்றியும் சொல்லிவிடவேண்டும்
ஊர்க்குருவிக்கு