திங்கள், ஏப்ரல் 13, 2015

பயணங்கள் முடிவதில்லை

மனிதர்களுக்கென்ன

ரயிலேறிப் போய்விடுகிறார்கள்  


கசிந்த கண்ணீருக்கும்

குலுக்கிய கைகளுக்கும் 

மென்தழுவலுக்கும் 

மௌன சாட்சியாய்க் கிடக்கும் 

நடைமேடையையும் 

உயரத் தூண்களையும் 

கழிப்பறை வாடை கருதாமல் 

பூவும் பிஞ்சும் உதிர்த்தபடி 

நிற்கும் 

பெயர் தெரியா இம்மரத்தையும் 

என்ன செய்வது…..


நேரம் கருத்துகள் இல்லை:
லேபிள்கள்: , ,

சனி, ஏப்ரல் 04, 2015

4 4 15-முகநூலில்

அவ்வளவு எளிதாக இருப்பதில்லை...தளைகளைத் தளர்த்திக் கொள்வது...
******************************************************
ஒரு புன்னகையால் 
உயிர்ப்பிக்கலாம் 
ஒரு புன்னகையால் 
கொல்லலாம்
புன்னகையால் மட்டுமல்ல....
*****************************************************
சொல் 
எல்லாம் 
சொல்லிவிடுமா
*****************************************************
நம்பிக் கொண்டே 
நடக்கிறோம் ...ப்போம்
எங்களுக்குத் தெரிய வேண்டாம் 
வேறெதுவும்
***************************************************
துயரங்களின் 
பின்வாசல் மட்டும் 
தெரிந்தால் போதும்
**************************************************
தேடிக் கொண்டிருந்தது
உண்மைதான்
இந்தப் பல்லி ஒலிக்காமல்
போய்த் தொலைந்திருக்கலாம்
***************************************************
நீளும் வரிசை 
முடிவதை நினைத்தால்தான் 
அச்சம் 
தொடக்கத்திற்குப் போய்விடவா...
******************************************************
யாராவது சொல்லுங்கள் 
எல்லாம் பொய் என்று 
யாராவது சொல்லுங்கள்
எல்லாம் முடிந்தது என்று 
யாராவது சொல்லுங்கள்
எதுவும் நடக்கவில்லை என்று
யாராவது சொல்லுங்கள்
எதுவும் சொல்ல வேண்டாமென்று
***********************************************************
திறப்பாய் 
என்று காத்திருக்கையில்
இன்னொரு பூட்டு
*********************************************************
விட்டுவிடலாம்தான் 
விட்டால்
*****************************************************
இருப்பு 
இருப்பது மட்டுமன்று
********************************************************
ரத்தத்தைவிட
அடர்த்தியான கண்ணீரையும்
வழித்தெறிகிறது
அதே விரல்
துடைத்தெறிகிறது 
அதே கைக்குட்டை
காய்ந்துவிடும் எப்போதும்போல்
********************************************************
4 4 15-முகநூலில் 

நேரம் கருத்துகள் இல்லை:
லேபிள்கள்:
இதற்கு குழுசேர்: இடுகைகள் (Atom)

உடன் நடக்கும் வயது

  முக்கியம் முக்கியம் எனச் சேர்த்தவற்றுக்குள் எங்கோ இருக்கிறது நண்பனின் வாழ்த்து அட்டை ஆத்தாவின் புடவைத்துண்டு எனாமல் பதித்த ஒற்றைக் கொலுசு ...

  • தோழா சார்
    சார் சார் எனக்கூப்பிடாதே சார் என்பது அடிமைசாசனம் சார் என்பது நிறங்களின் பேதத்தால் எழுதப்பட்டது சார் என்பது அடியோடு குனிந்த சார்பு என்றெல்ல...
  • உமா மோகன் கவிதைகள்-அதீதம்
    1 கேளாமனம் ஆசைதான் எல்லோருக்காகவும் பிரார்த்திக்க கைஎன்னவோ வழிநடையில் சுவர் தாண்டி நீட்டிக்கொண்டிருக்கும் செம்பருத்தியை வீ...
  • சரியில்லாத சரி
      ஒரு குவளைத் தேநீரை நீட்டுவாள் தோள்மீது படியும் அந்தக் கரத்திலேயே வாழ்வை ஒப்படைத்துவிட்டதுபோல் சிலர் அழுவர் சிலர் நிறுத்தாது பேசுவர் இதயங்க...