எனக்கும் உனக்கும்

 கேட்கும் நிலையில் நீ இல்லையாம்

இப்போது சொல்ல வேண்டாமென

உன் நலம் விரும்பி சொல்கிறார்

அட

சொல்லும் நிலையில் நான் கூடத்தான் இல்லை

அதைப்பற்றி யாராவது வருந்துவதோ அஞ்சுவதோ இல்லையே

நான் கோவமா இருக்கேன் என்பதையும் குழந்தைப்பிள்ளை போல நானே சொல்லிக்கொண்டு

அதற்கு நகைக்கிறாயா என அடிக்கண்ணால் பார்த்துக்கொண்டு...ச்சை

சொல்லமுடியாதொரு உணர்வுப்பெருக்கில் திணறுகையில் என்னை அணுகாது

எச்சரிப்பதற்காகவாவது ஒரு துவாரபாலகர் வேண்டும்...

பார்

எதையெல்லாம் லட்சியமாகக் குறிக்க வேண்டியிருக்கிறது