பிராயத்தின் குழல்

சமுத்திரக்கரைகள் எப்போதும்போல கிளிஞ்சலுக்குள் சூரியனை அடைக்கப் பார்க்கின்றன

விலாத்தெறிக்க

துடுப்பு தள்ளுகிறான்

மனிதன்

*****************************

எப்படிக் கூப்பிடுவது

நிற்பது அறிந்தும்

நில்லாது போகும்

உன்னை

சற்றே படபடவென்றிருந்திருக்கலாம் உனக்கும்

பாவம் **********************************

பிராயத்தின் காற்றில் மேல்கீழாகப் புரள்கிறது

முன்நெற்றி குழல்கற்றை

ஞாபகங்களோடு

ஒதுக்கிவிட்டுக் கொள்கிறாள்

இதுவும் ஜூலைதான்

பௌர்ணமிகள் எல்லாவற்றிலும் நிலா இருக்கிறது
நீ

****************************************************
நழுவும் விரல்மணல்
வழுவழுப்பாயிருக்குமா 
என்ன

***********************************************************
பரபரப்பான பாவனையில்
கடந்துவிட முயல்கிறேன்
இழுத்துப் பிடித்து 
கவனம் சேர்க்காது விடேன்
பிழைத்துப் போவேன்

**************************************************************
திடீரென்று வந்துவிழும்
தீத்துளியைத் தாங்குமளவு
திடமாக இருப்பதில்லை
நீங்கள் வனம் என நினைத்த மனம்
*************************************************************
கிளிஞ்சல் பொறுக்குவது
உனக்கு வேடிக்கை
எனக்குபிழைப்பு
மறைந்துகிடக்கும் கண்ணாடித்துண்டை 
தாண்டிச்செல்வது தொழில்நேர்த்தி
கீறலிலும் கண்ணீர் பெருக்காது
கடல்நீரில் அலசியபடியே
அடுத்த கிளிஞ்சலைத்தேடுவேன்
உனக்கோ அது ரத்தம்
****************************************************************