காந்திமதியின் சொத்து

அடகுக்கடை
ரசீதுகளை மடித்து ஒடுக்கிய
உள்ளூர் நகைக்கடை பெயரழிந்த நைந்த
மணிபர்ஸ்
காந்திமதியின் மாபெரும் சொத்து

அரிசிபருப்பு 

அஞ்சரைப் பெட்டியெல்லாம் 

அலசி எடுத்துவிட
டாஸ்மாக் தந்திரங்களைப் 

பயின்ற கணவனால்
எப்போதும் வியர்வையில் ஊறிய 

ரவிக்கைக்குள் அடைகாப்பாள் 

இல்லப் பொருளாதாரம்

சாகாவரம் பெற்ற
வறுமைக்குப் புட்டிப்பால் 

அவள் சுண்டியெறிந்த கண்ணீர்

சிரித்தபடியே 

இறுக்கிக்கட்டும் துடைப்பத்துக்கு 

அவள் வாழ்வின் குப்பைகளைக் 

கூட்டியெறியத் தெரியவில்லை

காந்திமதி கேட்கிறாள்
கட்டி கட்டியா நவ( நகை) போட்டுக்கிட்டு வாராவளே 

அவங்க ஊட்டுல தங்கம் காய்க்குமா

நிலா நதி ரசீது

கரையோரம் 
காத்திருந்த போதெல்லாம்
கையிலிருக்கும் துடுப்பு
ஓடமேறும்போது
தவறிவிடுகிறது

****************************************
நிலா 
நடந்துகொண்டிருக்கிறது
கரையோர மரங்களூடே
நதியில் 
முகம்பார்க்கவியலாத போதும்
*************************************************

எந்த குற்றவுணர்ச்சி வழிந்தாலும்
ரசீதுகளால் துடைத்துக்கொள்ள முடிகிறது
பாக்யம் பாக்யம்
*************************************************************
பொய்,புரட்டு,ஏமாற்று
வஞ்சகம்,சூது,கொலை
பொய்,புரட்டு,ஏமாற்று
வஞ்சகம்,சூது,கொலை
பொய்,புரட்டு,ஏமாற்று
வஞ்சகம்,சூது,கொலை..
.....
...திரும்பத் திரும்ப தெரியாமல்
எழுதிவிட்டேனா எனப் பார்க்கிறீர்கள்
நூறு வரி கடந்து
வேண்டுமானால் ஒருமுறை
எழுதிவிடுகிறேன்
விசாரணை,வழக்கு,கைது
பிணை....வருடங்கள்.....
********************************************************