ஏப்ரல் 22 திண்ணையில் வெளியானது
-எடுக்கப்படாமல்
ஒலித்து நிற்கும்
தொலைபேசிமணி…
ஏகப்பட்ட
கேள்விக்கிளை விரிக்கிறது…
அச்சம்,எரிச்சல்,
ஆவல்….
ஏதோ மீதூர ,
மீண்டும்,மீண்டும்…முயலவேண்டாம்!
அந்த முனையில் ,
உக்கிரமான வாதம்
ஓடிக்கொண்டிருக்கலாம் !
உருக்கமான பிரார்த்தனை
பக்கத்தில் நடக்கலாம்..
கடன்காரனோ,
அதிகாரியோ,
திணறடித்துக் கொண்டிருக்கலாம்…
மரணச் சடங்கோ,
விபத்தோ,கூட்டமோ,
தவிர்க்கவியலா தவிர்ப்பாயிருக்கலாம்!
தவறவிட்ட உறக்கம்
நேரங்காலமின்றி
வாய்த்திருக்கலாம்.-
2 கருத்துகள்:
/எடுக்கப்படாமல் ஒலித்து நிற்கும்
தொலைபேசிமணி…/ விரித்த கேள்விகளுக்கு விடைகளாக பகிர்ந்த அனைத்தும் சிந்திக்க வைக்கின்றன. நல்ல கவிதை சக்தி.
மிக்க நன்றி ராமலக்ஷ்மி
கருத்துரையிடுக