கதுப்புகளில் சதை பற்றாத காலத்தின்
கறுப்புவெள்ளைப்படம்
தேர்வின் அச்சம் வழியும்
ஹால் டிக்கெட் படம் தொடங்கி
சுற்றுலாக் கணங்கள்
திருமணக்கோலம்
நட்பு,உறவு எவ்வளவோ படங்கள்
வயதுகளின், தருணங்களின்
சாட்சியாய் ..
யார்யார் வீட்டிலோ ,
விருந்திலும் விழாவிலும்
சேர்ந்துநில்லு...சேர்ந்துநில்
முன்னே வாங்க இப்பிடி ..
உபசரிப்பும் தர்மசங்கட நெளிவும்
எப்படிப் பதிவாகின
காணக் கூடுவதில்லை பிறகு
கருத்துகள் இல்லை:
கருத்துரையிடுக