நழுவிய கணம்


 
பட்டாம்பூச்சி 
வண்ணங்களின் மின்னலாய்ப் 
பறந்தது ஒருகணம்...
பார்த்தது 
பார்க்காது -
ஏழு கடல்,ஏழுமலை,
ஏழுவானம்,ஏழுசூரியன் 
தாண்டிக் கொண்டேயிருக்கிறது 
மனம்.....
தேடல் தொடர்கிறது..
சூரியனின் ஆரஞ்சுச்சாறு ,
வானின் நீலபானம் 
பருகி இளைப்பாறியபடி 
மீண்டும் ,மீண்டும்....
அதே நிறச்சாயல் தேடுகிறது ...
அந்த நிறம் 
அதே நிறமா...
பனியில்,வெயிலில்
இளந்தூரலில்,
பருவங்களின் பாய்ச்சலில்...
கரையாது காணக்கூடுமோ ..
தேய்ந்த  நிறம் தெரியாமல் 
தாண்டிடும் சாத்தியம் 
ஏற்காது.. 
தேடல் தொடர்கிறது..
                               

கருத்துகள்

கீதமஞ்சரி இவ்வாறு கூறியுள்ளார்…
தேடலில் நிறைவுறும் வாழ்க்கை இனிக்கிறது, தேடல்கள் நிறைவுறாத போதிலும். அழகான வாழ்வியல் சித்தாந்தம். பாராட்டுகள் சக்தி.
சக்தி இவ்வாறு கூறியுள்ளார்…
நன்றி கீதா !தங்கள் வரவும் கருத்தும் நிறைவு...
காணவில்லையெனில் குறையாகத்
தோன்றுகிறது!
திண்டுக்கல் தனபாலன் இவ்வாறு கூறியுள்ளார்…
தொடரட்டும் சகோதரி ! நன்றி !
சக்தி இவ்வாறு கூறியுள்ளார்…
நன்றி தோழரே.

இந்த வலைப்பதிவில் உள்ள பிரபலமான இடுகைகள்

கமல்ஹாசன் சொல்லாத தீபாவளி

அளவிலா விளையாட்டுடையான்

அம்மாவும் கைபேசியும்