பட்டாம்பூச்சி
வண்ணங்களின் மின்னலாய்ப்
பறந்தது ஒருகணம்...பார்த்தது
பார்க்காது -
ஏழு கடல்,ஏழுமலை,
ஏழுவானம்,ஏழுசூரியன்
தாண்டிக் கொண்டேயிருக்கிறது
மனம்.....
தேடல் தொடர்கிறது..
சூரியனின் ஆரஞ்சுச்சாறு ,
வானின் நீலபானம்
பருகி இளைப்பாறியபடி
மீண்டும் ,மீண்டும்....
அதே நிறச்சாயல் தேடுகிறது ...
அந்த நிறம்
அதே நிறமா...
பனியில்,வெயிலில்
இளந்தூரலில்,
பருவங்களின் பாய்ச்சலில்...
கரையாது காணக்கூடுமோ ..
தேய்ந்த நிறம் தெரியாமல்
தாண்டிடும் சாத்தியம்
ஏற்காது..
தேடல் தொடர்கிறது..
4 கருத்துகள்:
தேடலில் நிறைவுறும் வாழ்க்கை இனிக்கிறது, தேடல்கள் நிறைவுறாத போதிலும். அழகான வாழ்வியல் சித்தாந்தம். பாராட்டுகள் சக்தி.
நன்றி கீதா !தங்கள் வரவும் கருத்தும் நிறைவு...
காணவில்லையெனில் குறையாகத்
தோன்றுகிறது!
தொடரட்டும் சகோதரி ! நன்றி !
நன்றி தோழரே.
கருத்துரையிடுக