தொடக்கத்திலேயே
முடிவும்
சேர்ந்துதான் இருக்கிறது.
கேள்வி,ஆச்சரியம்
இரண்டின் கீழும்
இடும் புள்ளிகள்
இணைக்கவும் ,பிரிக்கவும்
தெரிந்து வைத்திருக்கின்றன ....
தோளில்
ஆட்டுக்குட்டியோடு
வனமெங்கும்
புள்ளிக்குப்பின்
போய்க்கொண்டே......இருக்கிறோம்
முடிவுறாப் பயணமாக....
2 கருத்துகள்:
ஆட்டுக்குட்டிகளைத் தோளில் போட்டுக்கொண்டு வனமெங்கும் தேடித்திரியும் நமக்கு கண்ணெதிரில் இருக்கும் வாழ்க்கை மட்டும் எங்கே புலப்படப்போகிறது? தேடித்தேடியே சோர்ந்துபோகிறோம். அருமை சக்தி.
சோர்வின் வெம்மையில்,இப்படி இனம் காணும் தோழமை நிழல் இதம்.நன்றி கீதா
கருத்துரையிடுக