ஏப்ரல் 20 முகநூலில்

கொஞ்சம் பேசிக்கொண்டிருக்க முடிவு
செய்யும்போது தெரிகிறது
பொழுதோ நீயோ
போய்விட்டிருப்பது
***********************************
வேப்பம்பூக்களை
வாரி வாரி எடுத்து வைக்கிறேன்
எங்கோ பூத்திருந்த போது
இழுத்த வாசம் 
இன்றில்லை
**********************************

எப்படி மீண்டேன் தெரியுமா
சிறு தொடுகை ஒன்றால்
அது
நீயன்று-
காற்றிலாடிய சிற்றிலையின் உரசல் எனப் புரியுமுன்
உயிர் ஊறிவிட்டது

****************************************
பூவரச இலைகளைக் குழை
குழையாக ஒடித்துப்போட்ட
ருக்குவிடம்
யாரும் கேட்டதேயில்லை
இதை உன் வீட்டு ஆடுமாடு
தின்னுமா
காயவைத்து சுடுநீர்
வைப்பாயா என்றெல்லாம்

மதிலுக்கு அப்பால் தெரியும்
செம்பருத்திக் கிளையை
இழுத்து மடக்கிவிடுமளவு
இப்போது வளர்ந்துவிட்டோம்

கருத்துகள்

இந்த வலைப்பதிவில் உள்ள பிரபலமான இடுகைகள்

அளவிலா விளையாட்டுடையான்

பூ தைத்த சடை

அம்மாவும் கைபேசியும்