சரியாகக் கரைபடாது மிஞ்சிப்போய்விட்ட
ஹார்லிக்சின் சிறுகட்டி
தம்ளரின் அடியில் பிடித்துக்கிடக்கிறது
நீ சொல்லிச்சென்ற செய்தியும் அப்படியே
சுரண்டித்தான் கழுவ வேண்டும்
முகம்பார்த்துப்பேச வசதியாக
நகர்த்திப்போட்ட நாற்காலிகள்
கூடத்தின் இருப்பைக்
குலைக்கின்றன
இருந்தபடி இருந்து
பாராது சொல்லியிருந்தால்
கண்ணிலேறிய தூசிக்கு
அந்த சிரமமில்லை
நகர்த்தும்போது எழும்
கிறீச்சின் மாத்திரைகளில்
மனம்படித்து தொலைக்காதே
கருத்துகள் இல்லை:
கருத்துரையிடுக