நெஞ்சளவு உயரம்

அந்தக்கண்கள்
அந்தக்கண்கள்
பாவம்
படபடத்து படபடத்து
நேர்நிற்பவள்
நெஞ்சுக்கும் முகத்துக்குமாக ஏறித்தாழ்கின்றன
ஆக
உன் உயரம்
அவள் நெஞ்சளவு
எப்போது உயரமாவாய்

********************************************

ஒழிஞ்சு போ என்ற முடிப்போடு
அலைபேசி உரையாடலை 

நிறுத்தினாள் விற்பனைப்பெண்

தொனித்தது
சாபமா மன்னிப்பா என்ற ஆய்வில் தவிக்கும்
மனசைக் கைப்பைக்குள் திணித்துவிட்டு
பட்டியல் நீட்டினேன்.
அவளும் தள்ளியிருப்பாள்
சில்லறை குலுங்கும் இழுப்பறையில்

*************************************************

கனவிலா விழிப்பிலா
தெரியவில்லை
கடகடகிறீச் கடகடகிறிச்

அண்டை அயலிலும்
அத்தனை நிசப்தம்
எங்கு புறப்படுகிறது
என்னைச்சேரும் இவ்வொலி

வகைதொகையிலா நேரத்தில் கேட்டு இம்சித்தது அது
பாதையோரக் காயலான்கடை
பழைய இரும்பின் பதில் இன்று கிடைத்தது

சின்னச்சகடையின் விட்டத்தில் உருள்பெருந்தேர்

பன்னீர்மரக்கிளை தோளுரச
இழுத்த கிணற்றுச்சகடையின் கிறீச் கிறீச்

கிணற்றடியிலிருந்து கடந்த ஒளியாண்டுகள் அறியாத
சகடை யே போதும் சுழற்சி

படம் :இணையம்