மீனுக்குட்டியாகணும்

கடல்நீலத்துக்குள் சிறு பச்சை
கலந்த அற்புதச் சுழல்
சிறு சிறு சிறு 
வளர்ந்து
சற்றே பெரு பெரு உள்ளே
சிறு சிறு வட்டங்கள் குமிழியிட
மீன்குஞ்சுகள்
ஒவ்வொரு குமிழுக்கும் ஒவ்வொன்றாக
ஒன்று பத்தாக விர்ரென ஏறி
விசுக்கென மறைந்து
துடுப்புகளை அப்படி இப்படி ஆட்டி
எட்டி முழித்து
இறங்கி இறங்கிப் போக
துடுப்பில்லாது
அப்பா தோளிலிருந்து இறங்கிக்கொண்ட
பாப்புக்குட்டிக்கு
ஓரேஅழுகை
மீனுக்கெல்லாம் யாராச்சும் பயப்படுவாங்களா
அம்மா தாஜா பண்ணுகிறாள்