அவனும் அதுவும்

அவனுடையதுதான் 
ஆனாலும் விடாமல் இறங்கிக் கொண்டேயிருக்கும் 
சிவப்புக் கயிறு இடுப்பில் கட்டி விட்டாள்அம்மா 
குட்டையில் கிடந்து ஊறி ஊறி 
இவனுக்கும் சேர்த்து வெளுத்துக் கிடக்குது அதுவும் 
தோள்பையை மாட்டிக்கொண்டு போகும்
பள்ளிநடையிலும்
தென்னைமட்டை கிரிக்கெட் இடையிலும்
அரிசிபுளி வாங்க அம்மாவோடு போகையிலும்
நின்று நின்றுதான் போகணும்.
யார் போனாலும்
பழையதுப் பங்காளி ஜிம்மி மட்டும்
நிற்கும் இவனோடு
காற்சட்டையைக் கயிற்றில் இறுக்கும்வரை