இழுப்பறை வெளிச்சம்

திரையில் விரியும் கடல் கண்டு 
விரிகிறது மனதின் கடல்
கடலான கடல் விரியும்போது
திரையிட்டுக் கொண்டுவிடுகிறது 
மனம்

**********************************************************

நீ
கிண்டலாகச் சிரிக்கும்போது 

கண்ணில் தெறிக்கும் 

பிரத்யேக மினுக்கு

என் மேசை இழுப்பறைக்குள்ளிருந்து 

கண்கூசும் வெளிச்சம்

ஒன்றுவிடாமல் சேர்த்தது

**********************************************************

பிறகு
எல்லாமே தெரிந்திருக்கிறது
என்ற முகமும் 

பொருத்திக் கொண்டீர்கள்

********************************************************

சன்னலுக்கு வெளியே ஒளிரும்...
இருங்கள் ஒருநிமிடம்
திரைச்சீலை தள்ளி பார்த்துவிட்டு சொல்கிறேன்
ம்ஹூம்
கும்மிருட்டு
நல்லவேளை பார்க்கத் தோன்றியது