அதாவது
போக வாய்க்காத இடங்களின் பட்டியல்
இது ஒன்றும் நிலாவையும்
செவ்வாயையும்
அமெரிக்காவையும் அண்டார்டிகாவையும் பற்றியதல்ல
ஊரிலேயே முதலில்
பால் சர்பத் அறிமுகப்படுத்திய தேரடி
முருகன் கடை
தெருமுனையில் கண்ணாடிப்பெட்டிக்குள்
உப்பியபடியே இருக்கும்
பூரிகளின் காவலனாக
பாய்லர் முன்
நின்றவாறே வானையும் பூமியையும்
தேநீர் ஆற்றிப்பிணைத்த மணிகடை
பேன்பார்ப்பதும்
பூ தைப்பதுமாக உறவாடி
கீழத்தெரு குடிபோன
பேபியக்காவின் புதுவீ்டு
இன்னபிற தலங்களே
கருத்துகள் இல்லை:
கருத்துரையிடுக