பிளாஸ்டிக் ரோஜாக்கள்

பிளாஸ்டிக் ரோஜாக்கொத்து 
ஆடிக்கொண்டிருக்கிறது
காணக்கிடைத்த எல்லா ரோஜாக்களையும்விட
இயல்ரோஜா நிறத்திலான
பூக்கள்
செருகியிருந்த குடுவையின்
கழுத்துக்குக் கீழும் மேலுமாக
காற்றோடு அசைந்துகொண்டிருந்த போது
மணமும் வந்தமாதிரி இருந்தது
அன்றிலிருந்து அப்படியே இருக்கிறதே 
எனச்சட்டென 
குனிந்து பார்த்தேன்
அவகாசமின்றி 
பார்த்தவுடன் சொல்லிவிட்டது 
நான் பிளாஸ்டிக் என்று.

*****************************************************
பிளாஸ்டிக் ரோஜாவின் நேர்மை
பிளாஸ்டிக் அன்புக்கு இருப்பதில்லை
போலவும்
நிறமோ மணமோ வீச்சு வித்யாசம்
கண்டுபிக்குமளவு நிதானம் 
யாரிடம் இருக்கிறது
செரிக்க முடியாது மூச்சுத் திணற
மண்ணாக வேண்டும்