விதானம் இல்லாத தூண்கள்

அன்றொரு நிரம்பிய நிலவுநாள்
பூதகணங்களின் மனமெங்கும் 

கலாமோகம் தளும்பிக் கொண்டிருந்த பொழுது

ஆளுக்கு ஒன்றோ ஐந்து பத்தோ
அரக்கப்பரக்க என்றோ
அணு அணுவாக ரசித்து என்றோ
உருவான வித்தையை விதந்தோதவும் யாருமிலாது உருவாகிக்கொண்டிருந்தன தூண்கள்
தத்தமது பெயர் பொறிக்காது
பொதுவில் உருவாயின

சற்றே தாமதமாக கதிரெழும்பியிருக்கலாம்

தன் கணங்களின் கூட நின்று
அவனாவது ஒற்றை விதானம்
போர்த்தியிருக்கலாம்
இப்படித்தான் செய்துவிடுகிறான்
பித்தன்