இப்படித்தான்
என்னோடும்
உறவாடிக் கொண்டிருந்தார்கள்
கைப்பிடியோரம்
சைக்கிள் சாய்த்து வைத்து
கதையளக்கும் நிரந்தரக் கூட்டம்
சரசரவென
விரையும் வாகனவரிசை 
சமயங்களில்
வழிவிடாச் சண்டை
மோதி மோதிக்
கடந்து போகும் காற்று .....
*************************************
எல்லாம்
ஒரு சந்தேகத்தில்
முடிந்து விட்டது !
வலுவில்லை எனக்கென
வந்தது புதிய பாலம் !
காற்றும் குப்பையும்
மட்டும்
கடந்துபோகக் கிடக்கிறேன்
பக்கத்து பரபரப்பின்
பார்வையாளனாக ......
2 கருத்துகள்:
பாவம் பாலம் என்னதான் செய்யும் புலம்புவதை தவிர..... திருச்சியில் காவிரி பாலமும், ஈரோட்டில் பவானி பாலமும்தான் எனக்கு ஞாபகம் வருபவை. இன்னும் நிறையவும் இருக்ககூடும். நரைத்த பொழுதில் அவை சந்ததியினருக்கு காட்சி பொருளாகவும் கூடும்.
கைவிடப்படுவதைவிட அழிக்கப்படுதல் சிலவற்றில் நல்லது
கருத்துரையிடுக