ஞாயிறு, மே 05, 2019

அற்றைத் திங்கள் அவ்வெண்ணிலவில்

பின்பனிக்கான முண்டாசுடன்
வேப்பங்குச்சி சகிதம் 
தென்னந்தோப்புக்குச் சென்றுவிடும்
 மாமாவுக்கு 
மக்கள் நால்வரில் எவரேனும்
உண்டி கொடுத்து பள்ளி செல்வதுண்டு

பாளை கிழிக்கவும் 
மட்டை தரித்து வாரியல் கட்டவும்
மக்களை அனுமதியாள் மாமி
என்னோடு போகட்டும் 
இந்தக்குப்பை என்று.

அவளோடுதான் போனது தோப்பு
புற்று கரைக்கக் கட்டிய 
மருத்துவமனைக் கட்டணமாக

மாமாதான் முண்டாசோடு கிளம்பி
பின்
தயங்கி உட்காருகிறார் ஒவ்வொரு காலையும்



கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...