திங்கள், மே 13, 2019

செட்

நிறைய கோப்பைகள்
சேர்ந்துவிட்டன
அடுக்கி வைத்தேன்
தட்டோடு
தட்டின்றி
பிடியோடு
பிடியின்றி
பூப்போட்டு
பொன்னிறக்கோடுகளோடு
கண்ணாடி,பீங்கான்,
எவர்சில்வர்....
ஆறு ஆறாக வைப்பது
எவருடைய யோசனையோ
எந்த ஆறிலிருந்தும்
கலைக்க முடியாமல்
ஒற்றை தம்ளரில் வார்த்த தேநீர்
ஏடு படியாது பருகுதல் என் வழக்கமானது
வருவதென்றால் தயவுசெய்து
ஆறு பேராக வரவும்

கருத்துகள் இல்லை:

வாழ்ந்தா....

  மாரியம்மன் கோயில் வாசலில் ஆடும் தோரணங்களையும் பொங்கல் அடுப்பு புகைமூட்டத்தையும் ஒன்றின்மேல் ஒன்றாக சரசரக்கும் காக்காய்ப்பொன் சரிகைப் பாவா...