செவ்வாய், ஏப்ரல் 20, 2021

பெயரிடப்படா உறவுகள்

 கிண்ணங்களில் நிரப்பிய உப்பு

கைதூக்கிச் சிரிக்கும் சீன புத்தர்
அஞ்சோ ஆறோ எண்ணெய் கலந்து எரியும் தீபம்
வாசல் சுவரில் அகோரமாய் நாக்கு தொங்க விழிக்கும்
மழையில் வெளுத்த முகமூடி
கோர்த்த பச்சைமிளகாய்
படிகாரக்கல்லோடு தொங்கும் கறுப்புக்கயிறு
நிலைக்குமேலே
மஞ்சள்,சிவப்பு
கறுப்பு
வகைக்கொன்றாய்
பொதிந்தவை மறந்த முடிச்சுகள்
வழியென்னவோ
மூத்தவளுக்கு
மட்டுந்தான் தெரிகிறது ***************************************************
இவ்வளவு தூரம் கடந்தபிறகு
ஏனோ படுத்துகிறது
எங்கோ ஒரு வீட்டில் ஒருக்களித்துத் திறந்திருந்த
கதவுவழி உருண்டு வெளியேற முயற்சித்த பந்து.. *****************************************************

.துண்டு துண்டாகக்
கத்தரித்துப்போட்ட
வெறுப்பைக்
கைக்குழந்தையும்
நடைக்குழந்தையுமாக
இடுப்பிலும் கையிலும் இடுக்கிக் கொள்கிறாய்
முந்தானையோடு
சேர்த்துக்கட்டிய ஒன்றோ
தரதரவென உன்னை இழுத்துப் போகிறது
நானென்ன செய்ய ***************************************
ஏதோ ஒன்று
ஒட்டவில்லை
என்னவென்று கேட்காதே
அதற்கெல்லாம்
இன்னும் பெயர் வைக்கவில்லை

கருத்துகள் இல்லை:

பிடிமானம்

  ஜிலுஜிலு ஓடையிலே ஹே ஹே என்று பாடிக்கொண்டிருந்த பன்னீர் சித்தப்பா இரண்டுநாளில் தீக்குளித்து செத்தார் எல்லோரும் பன்னீரு நல்லவன் வல்லவன் அதைக...