ஜிலுஜிலு ஓடையிலே ஹே ஹே
என்று பாடிக்கொண்டிருந்த பன்னீர் சித்தப்பா
இரண்டுநாளில் தீக்குளித்து செத்தார்
எல்லோரும் பன்னீரு நல்லவன் வல்லவன்
அதைக்கொடுத்தான்
இதைச் செய்தான்
என்றே புலம்பினார்கள்
அதென்ன என்காதில் மட்டும் விழுந்ததா
காலமெல்லாம்
ஓடையில் நெருப்பே மிதக்கும்படி
*******************************************
இதென்ன இந்தப்பிடியா உனக்குத் திணறுகிறது
ஒற்றைவிரல் நீக்குகிறேன் போதுமா
இன்னொன்றும் எடுத்துவிட்டேன்
அட
மூன்றுவிரல்களை உன் கழுத்தில் பற்றியிருப்பது
அசௌகரியமாய் இருக்கிறது
என் கைவலி நீ தாங்கமாட்டாய்
பழையபடியே
ஐந்துவிரல்களாலும்
பற்றிவிடுகிறேன்
இதுவும் எத்தனை கசகசப்புக்கிடையில்
என உணர்ந்தால்
நீ முகம் சுளிக்க மாட்டாய்
கருத்துகள் இல்லை:
கருத்துரையிடுக