வேர் தூர்ந்த செடிகள்

பத்துக்குப்பத்து குப்பத்துக்குடிசை 
உத்திரம் இடிக்கும்போதெல்லாம்
தீபாவளியோ திருவிழாவோ வர ஏங்குகிறான்
தோட்டத்தின்
கயிற்றுக்கட்டிலில்
கண்ணுக்கெட்டிய தூரம் விரிந்த
நீலக்கூரை பார்த்த நினைவில்

தயாரிப்பு கைவராது
திருப்பி அனுப்பப்படும் எச்சில் 

ஆலுபரோட்டாவை மெல்லும்போதெல்லாம்
சப்பை மூக்கைத் தடவிக்கொள்பவனின்
நாசிக்குள் ஏறி இறங்குகிறது
மலைக்குடிசையின் புகையும்
முக்காடை இழுத்துவிட்டபடியே
அலட்சியமாக அன்னை தட்டிப்போடும்
ரொட்டிவாடையும்