உள்ளுக்குள் சுழலும் இசைத்தட்டு

ஒன்று இரண்டு என 
வரிசைப்படுத்தி சுந்தராம்பாள்
ஒலிபெருக்கியில் பாட
திருப்தியடைந்து 
இளமஞ்சள் எலுமிச்சை சாதத்தை
 ரசித்துக்கொண்டிருந்த ஈசனின் 
பல்லில் சிக்கி கடக்'கென்றது
தாளித்தகடலைப்பருப்பில் கிடந்த கல்

நெற்றிக்கண்ணைத்திறக்க
பிறைசூடி தயாரானபோது
சட்டெனக் குறுக்கிட்டுவிட்டார்
மிச்ச எலுமிச்சை சோற்றோடு
தூக்குவாளியை மூடிக்கொண்டிருந்த குருக்கள்

நைவேத்தியப்படியை 
மளிகைக் கடை மூர்த்திதான் அளக்கிறானாம்
சரி,பல்குத்த துரும்பு தேடிக் கொள்கிறேன் 
போ" என்றபடி தொடர்ந்தான் பரமன்

கருத்துகள்

இந்த வலைப்பதிவில் உள்ள பிரபலமான இடுகைகள்

பெண்ணுடல்,பெண்ணுறுப்பு,பெண்ணுயிர்

பூ தைத்த சடை

ராஜலட்சுமியைப் பார்த்தவள்