என்னிஷ்டம்

மௌனமாக இருப்பதிலிருந்து தப்பிக்க
எதையாவது பேசி
உன்னைப்பற்றிய பேச்சாக மாறுவதிலிருந்து 
தப்பிக்க
மௌனத்துக்கு மீண்டு
இம்முறை மௌனத்தின் 
சுருக்கிலிருந்து தப்பிக்க
பாடலைச் சரணடைந்து
நினைவுகளைக் 
கடைவாயிலிட்டு அரைக்கும் பாடலோ 
பல்லிளிக்கிறது
நாலு எட்டு வைத்து 
மூச்சிரைக்க 
படங்களின் நிழலுக்குள் புகுந்தேன்
சும்மா சும்மா இதென்ன
படத்தில் அமர்ந்தபடி சலிக்கிறாய்
என்ன செய்யப்போகிறாய் படங்களை வைத்து....
அடப்போப்பா
போனது உன்னிஷ்டம்
நினைப்பது என்னிஷ்டம்

கருத்துகள்

இந்த வலைப்பதிவில் உள்ள பிரபலமான இடுகைகள்

பெண்ணுடல்,பெண்ணுறுப்பு,பெண்ணுயிர்

பூ தைத்த சடை

ராஜலட்சுமியைப் பார்த்தவள்