துக்கத்துடன் ஒருத்தி
அரற்றிக் கொண்டிருக்கிறாள்
ஆம்புலன்சில் ஏற்றியதை வீடியோ எடுத்து
பக்கத்து வீட்டுக்காரர்
சுற்றுக்கு விட்டிருப்பதாக
இன்னொருத்தி சொல்கிறாள்
எங்க வீட்டைத் தாண்டும்போது
முந்தானையால் முகத்தைப்
பொத்திக்கிறாங்களாம்
வேறொருத்தி கண்ணீர் உகுத்தாள்
அவசரத்தில்
பூனைக்குட்டியை உள்ளேயே விட்டு
வீட்டைப் பூட்டிவிட்டேன்
எச்சரிக்கை நோட்டீஸ் ஒட்டப்பட்ட வீட்டுச்சுவர்கள்
ஊரெங்கும் நீள்கின்றன
எண்ணிக்கையில் ஒன்றாக மாறிவிடும்போது
என்னென்னவோ நடக்கிறது
கருத்துகள் இல்லை:
கருத்துரையிடுக