கழிச்சல்ல போவ
எனச் சிரித்துக்கொண்டே பாராட்டுவாள்
ருக்கு பெரியம்மா
பெரியப்பாவிடம் அந்தரங்கத்திலும்
அதையே சொல்வாளோ
எனச்சிரிக்கும் கூட்டு
அதுவே சண்டையென்றால்
தெரு அதிர
ஒன்ன மாரியாயி கொண்டுபோவ
நீ கொள்ளையில போவ
கூவுவாள்
மாரியாயி கொண்டு போவதெல்லாம்
நின்று கனகாலமாகியும்
அவளுக்கு கொஞ்சவும் வையவும்
பதங்கள் மாறவில்லை
வாதம் பேச்சைப் பறித்துக்கொண்டுவிட
கொரோனா காலத்தைச்
சேர்த்துக்கொள்ள முடியாது
கிடக்கிறாளாம் பெரியம்மா
கருத்துகள் இல்லை:
கருத்துரையிடுக