குறும்புச்சிரிப்போடு ஓடும் பாப்புவின்
கன்னம்வழித்து முத்தமிட்டு
மூன்று மாதங்களாயின
இருட்டிக்கொண்டு வரும்
சம்பளமற்ற எதிர்காலம் குறித்துக் குமுறிய
தோழியின் முதுகணைத்துக்
கண்ணீர் துடைக்கத் தவித்த
விரல்களை
வெறுமனே நெட்டிமுறித்தபடி
வறட்டுச்சொற்களைப் பெய்திருந்தேன்
தொட்டுக்கொண்டதெல்லாம் சோப்பு
சோப்புத்திரவம்
கிருமிநாசினி
காதலின்தொடுகை
மறந்து போன கைகள்
இருபதுநொடிகளில்
எதையும் அலசப்பழகிக்கொண்ட கைகள்
காயை,பழத்தை,பால் பாக்கெட்டை,அலச
எத்தனை வித்தைகள்
நீ தொடமுடியாத தூரத்திலிருப்பதை
உறுதிசெய்தபடியே ஊர்ந்த நொடிகள்
எல்லாம் தாண்டி
எப்போது தழுவினாய்....
உனது லட்சம்கோடி நகங்களின்
நுனிபட்ட நொடி எது...
கருத்துகள் இல்லை:
கருத்துரையிடுக