எப்போதோ
பார்த்துவிட்டதாகவும்
எப்போதோ
பேசிவிட்டதாகவும்
எப்போதோ
வணங்கிவிட்டதாகவும்
தோன்றிக்கொண்டே இருந்தது
எல்லாம் இனிமேல்தான் என்கிறீர்களே
எதிலிருந்து துவங்குவதென்ற
குறிப்பைக் கிழித்தது யார்
**************************************
கைப்பற்றிக்கொள்ள
எதுவுமே கிட்டாத
ஒளிவெளியில்
அலைபாயும்
உள்ளங்கைக்குள்
ஒரேயொரு ஆரஞ்சுமிட்டாயைப் போட்டுவிட்டுப் போனான்
ஷப்பா
பாகு எச்சிலுக்குத்தான்
அமிர்தமென்ற பெயரா
தெரியவில்லை பாருங்கள் இத்தனைநாள்
*********************************************
நீள்சதுரமாக
சதுரமாக
உள்முக்கோணம்
வெளிமுக்கோணம்
வைத்து
பிசிறின்றி
தொங்காமல்
தொய்யாமல்
பொட்டலம் கட்டிவிடத் தெரிகிறதே என்று
எல்லாம் தெரியுதென நம்பிவிட வேண்டாம்
ஒவ்வொன்றுக்கும்
ஒவ்வொரு கோணம்
கருத்துகள் இல்லை:
கருத்துரையிடுக