கண்ணாடி முன் நின்று கொண்டிருக்கிறான்
நேரங்கெட்ட நேரத்துல என்ன அழகு பாத்தாவுது
வேலை ஓட்டத்தில்
ஒரு கேள்வியை வீசுகிறாள் வீட்டரசி
கேலியா எரிச்சலா ஆய்வுக்குள் போகாது நிற்கிறான்
கண்ணாடிக்குள் கடைத்தெரு
திடுமெனப் பார்த்த
ஊர்க்காரன்
கொப்புளித்து எழும்பிய நினைவுகளோடு
கைகுலுக்கத் தொடங்கி
எண் பகிர்ந்து
தோள்தழுவி நகர்ந்த பின்னா
முன்னா
எப்போதோ ஓடியது
எந்த தெருக்காரன் என்ற ஒருஇழை...
அழித்தேன்
அழித்தேன் என்றதை
அழித்தேனா இல்லையா
அந்த கணம் தன்முகம் எப்படி இருந்திருக்கும்
கண்ணாடிக்கு அவ்வளவு திறமை போதவில்லை
கருத்துகள் இல்லை:
கருத்துரையிடுக