முனை பழுத்த கொப்புளத்தைக் கிள்ளத் துறுதுறுக்கும் கை
அச்சோ
இரு இரு...தடுக்கும் அறிவு
தினம் ஒன்றாகப் பழுக்கிறது
சொல்லால் கிள்ளாது
சும்மா இருக்க வைப்பது சும்மா இல்லை
*************************************************
கடையில்
புதிய ரொட்டிதான்
தரப்படுமென்று
நம்புகிறீர்கள்
தெருநாய்
உங்களைப்போல
ஏமாறுவதில்லை
வாழ்க்கைக்கு
நீங்கள்
தெருநாய்தான்
***********************************************
தவறான சாவியில்லை
ஆனாலும் பொருந்தும்வரை
குழம்பி குழம்பி
எடுத்து ஒருமுறை
உறுதி செய்தும் திறக்காத அலமாரிகள்
யாராவது வந்து சீசேம் சொல்லுமுன்
திறந்துகொண்டு விடுகின்றன
கருத்துகள் இல்லை:
கருத்துரையிடுக