எங்கள் தெருவோர வாய்க்காலின் குட்டி மீன்
கோரைகளுக்குள் புகுந்து புகுந்து துள்ளி ஓடும்
நெடுங்காலத்துக்குப்
பின்
குளியலறைக் குவளைக்குள்ளும்
அதே துள்ளல்
பாசிவாடை வர
வாளியின் பச்சை நிறம் போதுமாயிருந்தது
வாட்சப் வழி
பார்த்த பெரியப்பாவின்
பொக்கை வாய் வழிதான்
அந்த வாய்க்கால் பெருகி வந்திருக்க வேண்டும்
தலைமுறைக் காலம் கடந்தும்
உயிர்வாழும் மீன்
ஒரே தாவு தாவியிருக்கும்
கால இயந்திரத்தில்
************************************************
எப்பொழுதாவது
ஒருமுறை
அழைப்பாள் அவள்
அவளுக்குப் பொழுது போகாத பொழுது
என்று நினைத்துக் கொள்வேன்
பிடித்தவற்றை அறிவிக்கவும்
பிடிக்காதவற்றைப்
பகடி செய்யவும்
தீர்மானங்களைப் பட்டியலிடவும்
இப்படி ஒரு பொழுது இருக்கிறதே உனக்கு என்பதை
மனதுக்குள்ளும்
ம் களை உரக்கவும் சொல்லும்போது
ஒரு தட்டு கத்தி
மாதுளை எடுத்து நீட்டிவிடு
உதிர்த்துவிடலாம்
ஒன்றாக
கருத்துகள் இல்லை:
கருத்துரையிடுக