இந்த மேகம்தானா என்று தெரியாது
ஆனால் இப்படியாக ஒரு
பாயும்குதிரை மேகத்திடம்தான் சொன்னேன்
ஒருநாள் என் சுட்டுவிரல் மிக நீளமாக வளரும்
அப்போது உன் பிடரிமயிரை நீவிவிட்டு
என்பெயரை எழுதிவிடுவேன் என்று
அத்தனை நம்பிக்கை போல
மேகத்துக்கு
புதிது புதிதாகத் திரண்டாலும்
மறக்காமல் ஒரு குதிரையை அனுப்புகிறது
என் சுட்டுவிரல்தான் வளரவேயில்லை
*************************************************************
கருத்துகள் இல்லை:
கருத்துரையிடுக